Хрысціна Чарняўская

Пачынаючы з 1990-х гадоў краіны Еўрапейскага звязу пачалі арыентавацца на ўстойлівае развіццё. Беларусь у гэтым плане не выключэнне: у нас існуе дакумент, які рэгламентуе такі пераход — «Нацыянальная стратэгія ўстойлівага сацыяльна-эканамічнага развіцця Беларусі на перыяд да 2030 года» (НСУР). Існуе і дзяржаўная праграма інавацыйнага развіцця, якая накіравана на ўстойлівую будучыню. Аднак да гэтага часу ніхто не браўся колькасна ацаніць праекты, што рэалізуюцца ў Беларусі ў межах інавацыйнай сістэмы, і наколькі яны сапраўды спрыяюць пераходу да ўстойлівага развіцця.

Шуміха вакол невялікага сквера «Котаўка» падняла на паверхню праблему і непрыемную тэндэнцыю для беларусіх гарадоў, што склалася апошнім часам, — знішчэнне зялёных зон пад забудову. Пры гэтым найчасцей пытанне выдзялення ўчастка вырашаецца на ўзроўні «ўлады — забудоўшчык», мінаючы інтарэсы яшчэ аднаго зацікаўленага боку — мясцовых жыхароў. Зялёны партал вырашыў зрабіць агляд высечак зялёных насаджэняў у Мінску за бягучы год. Пры гэтым мы не бярэмся адназначна сцвярджаць, што ахапілі ўсе выпадкі, магчыма, толькі тыя, што атрымалі грамадскі рэзананс.

Таварыства «Зялёная сетка», Установа «Цэнтр экалагічных рашэнняў» і Фонд «Інтэракцыя» зладзілі ў Мінску першую ўсебеларускую канферэнцыю «Зробім!». На ёй арганізатары падвялі вынікі 5-гадовай працы па правядзенню уборак несанкцыянаваных звалак і абмеркавалі далейшыя крокі, як асобныя акцыі ператварыць у адзіны магутны рух.

Высечка ў скверы «Котаўка» на некаторы час спынілася. Пакуль мясцовыя жыхары пераводзяць дух, дзяржорганы разбіраюцца, Зялёны партал сустрэўся з прадстаўніком аднаго з бакоў канфлікта, айцом Дзмітрыем, пробашчам парафіі святых апосталаў Пятра і Паўла і святога Яўгена дэ Мазэно, каб высвятліць, якім чынам звышнапружаную эмацыйную сітуацыю можна перавесці да мірнага ладу.

Актывісты кампаніі па абароне сквера «Котаўка» правялі на выхадных стрыт-арт-акцыю, мэта якой прыцягнуць увагу да магчымай высечкі дрэваў і скарачэння зялёнай зоны пад пляцоўку для будаўніцтва касцёла.

У цэнтры Мінска на тэрыторыі двух кварталаў, па 3,5 гектары кожны, размешчаны жылы раён двухпавярховай забудовы 40-50-х гадоў ХХ стагоддзя, які ў народзе называюць Асмолаўкай. Сёння вакол яго сканцэнтравана асабліва шмат увагі з-за таго, што мясцовыя жыхары імкнуцца дабіцца статусу гісторыка-культурнай каштоўнасці для сваіх дамоў. На іх думку, гэта можа паспрыяць захаванню пабудоў ад зносу. Аднак, як лічаць актывісты некаторых экалагічных арганізацый, вартасць Асмолаўкі трэба разглядаць не толькі з пункту гледжання архітэктурнай каштоўнасці, але і экалагічнай. Карэспандэнт Зялёнага партала

6 лістапада Экалагічнаму таварыству «Зялёная сетка» спаўняецца 9 год з дня заснавання. За гэты час намаганнямі актывістаў былі рэалізаваныя дзясяткі кампаній, сотні акцый, праведзеныя канферэнцыі і адукацыйныя мерапрыемствы, створана цэлая валанцёрская служба. Аднак Зялёны партал не падводзіць вынікі, а папрасіў прыгадаць усіх, хто ўдзельнічае ў жыцці Зялёнай сеткі, вясёлыя і кур'ёзныя гісторыі з жыцця, каб разам пасмяяцца са сваімі чытачамі.

Пытанне барацьбы за сквер «Котаўка» стаіць сёння, як ніколі, востра. Не так даўно стала вядома пра новы дазвол на правядзенне мантажна-будаўнічых прац у парку. А на наступным тыдні павінны прайсці грамадскія абмеркаванні па ўнясенню змен у план дэтальнага планавання. На думку юрыдычнай службы Таварыства «Зялёная сетка», абмеркаванні папросту ўзаконяць рашэнне па выдзяленню пляцоўкі пад будаўніцтва касцёла. Атрымоўваецца, што чыноўнікі і прадстаўнікі каталіцкай абшчыны быццам бы не чулі і не збіраюцца пачуць мясцовых жыхароў і іх просьбы захаваць сквер некранутым. Разбіраючыся ў складанай

Сёння, 1 лістапада, адзначаецца Сусветны дзень вегана. Пачынаючы з 1994 года ў гэты дзень у многіх краінах праводзіцца шэраг адукацыйна-інфармацыйных мерапрыемстваў, накіраваных на папулярызацыю этычных адносін да ўсяго жывога. У нашай краіне культура адмаўлення ад ужывання прадуктаў жывёльнага паходжання стала папулярнай не так даўно. Аднак і сярод беларусоў ёсць тыя, хто быў веганам яшчэ да таго, як гэтая з'ява стала мэйнстрымам.

Восень заўсёды дорыць нам багатую разнастайнасць садавіны і гародніны. Што з гэтага выбраць — кожны выбірае згодна з уласнымі прыярытэтамі і смакавымі перавагамі. Аднак наўрадці хтосьці зможа адмовіцца ад дранікаў ці бабкі. Сёння праект «VeganFood» прапануе вашай увазе аладкі з бульбы і кабачка з грыбной падлівай, што будзе сытнай і смачнай стравай на абед.

Пакуль гараджане толькі рыхтуюцца да новага дня, на сталічных вуліцах з'яўляецца служба, дзякуючы намаганням якой турысты называюць Мінск адным з самых чыстых і акуратных гарадоў. Белыя аўто «Remondis» складана зблытаць з любой іншай кампаніяй па вывазу адходаў. Менавіта такі колер — не выпадковасць. Як высвятляецца, белы быццам твар фірмы, якая бруднае ператварае ў чыстае. Зялёны партал правёў адзін дзень з кіроўцам і грузчыкам «Remondis», каб сваімі вачыма ўбачыць і ў падрабязнасцях расказаць пра іх штодзённую нялёгкую працу.

З 1 кастрычніка 2016 года вытворцы і (ці) пастаўшчыкі, якія ажыццяўляюць вытворчасць і (ці) ўвоз тавараў, што ўпакаваны ў шкляную тару ці тару на аснове паперы і кардону, не могуць прымяняць уласную сістэму збора адходаў у адносінах да некаторых тавараў і іх упакоўкі. Правілы пачалі дзейнічаць згодна з Указам прэзідэнта Рэспублікі Беларусь №350, які ўнёс гэтыя змены ва Указ №313 «Аб некаторых пытаннях абыходжання з адходамі спажывання» ад 11 ліпеня 2012 года. Зялёны партал узяўся высветліць, якім менавіта чынам цяпер будзе ажыццяўляцца збор адходаў і якіх канкрэтна тавараў.

1 кастрычніка Беларусь зноў ахапіла ліхаманка валанцёрскіх уборак, якія праходзяць у межах акцыі «Зробім!». Можа, яны аказаліся і не такімі масавымі, як вясной, але дакладна прайшлі з добрым настроем і ў сонечнае надвор'е. Зялёны партал сабраў невялікую справаздачу пра тое, што і дзе прыбіралі гараджане ў Мінску.

Пасля масавага затрымання веласіпедыстаў «Крытычнай масы» 29 красавіка бягучага года інтарэс да мерапрыемства спаў як у саміх пастаянных удзельнікаў, так і ў грамадскасці ў цэлым. Прычынай таму можна лічыць рэальную пагрозу зняволення за, па сутнасці, мірную акцыю. Аднак некаторыя з актывістаў працягваюць заклікаць да ўдзелу ў апошняй ў гэтым годзе «Крытычнай масе» і закрыць сезон 30 верасня як мага большай колькасцю чалавек.

Са студзеня 2005 года з мэтай падтрымкі насельніцтва, жадаючага вырашаць мясцовыя экалагічныя праблемы, у Беларусі функцыянуе Праграма малых грантаў Глабальнага экалагічнага фонду. І з таго самага часу яе нязменным кіраўніком з'яўляецца Аляксандр Уладзіміравіч Леўчанка. 25 верасня яму споўнілася 70 год. Зялёны партал даведаўся ў некаторых паплечнікаў Аляксандра Уладзіміравіча пра тое, які ён чалавек, пра яго асабісты ўнёсак у захаванне навакольнага асяроддзя нашай краіны, а таксама сабраў віншаванні і цёплыя словы, прысвечаныя юбіляру.

На працягу вось ужо 4 год Таварыства «Зялёная сетка» ладзіць вялікую тыднёвую акцыю, прысвечаную развіццю гарадской мабільнасці, транспарту і экалагічнай свядомасці гараджан. І кожны раз арганізатары стараюцца зрабіць праграму мерапрыемстваў насычанай і цікавай для ўсіх катэгорый грамадзян. У гэтым годзе было вырашана падарыць мінчанам серыю аўдыягідаў, каб кожны, збіраючыся ў падарожжа па горадзе, змог знайсці для сябе штосьці цікавае.

Канец лета — самы спрыяльны сезон для веганаў. На вашым стале можа апынуцца бясконцае мноства гародніны і садавіны, якое будзе не толькі смачным, сытным, але і карысным для арганізма перад восенню-зімой. Сёння «VeganFood» прапануе рэцэпт перцаў з начынкай з гародніны, грыбоў і рысу.

Шведскі ўрад не так даўно прыняў рашэнне: да 2036 года краіна павінна на 100% забяспечвацца энергіяй ад аднаўляльных крыніц. Менавіта таму сёння «Зялёныя» вядуць перамовы з іншымі партыямі, што маюць месцы ў парламенце, каб стварыць кааліцыю для дасягнення глабальнай энергетычнай мэты. Як зараз выглядае шведская энергетычная сістэма, і чым кіруюцца прадстаўнікі экалагічнай супольнасці, абмяркоўваючы АЭС, карэспандэнт Зялёнага партала даведалася ў Лісы Нодзін (Lise Nordin), члена парламента ад партыі «Зялёныя», якая займаецца пытаннямі энергетыкі.

Вось ужо 6 гадоў, як за Стакгольмам замацавалася званне «зялёнай» сталіцы Еўропы. З моманту атрымання ў 2010 годзе гэтага ганаровага статуса па сённяшні дзень ён не толькі годна падтрымлівае брэнд, але і імкліва развівае новыя накірункі, якія дазваляюць укараніць экалагічыя падыходы ва ўсіх аспектах гарадскога жыцця. Прычым з 2014 года, калі шведская партыя «Зялёныя», аб’яднаўшыся з сацыял-дэмакратамі і левымі, атрымала абсалютную большасць месцаў у парламенце краіны, «зялёныя» ініцыятывы афіцыйна сыходзяць «зверху». Актыўна такую палітыку падтрымліваюць жыхары. Згодна сацыялагічнаму апытанню

Сёння, 15 жніўня, перастае дзейнічаць забарона на высечку дрэваў, на якіх знайшлі гнёзды птушак. Менавіта гэта стала падставай для спынення работ «Зеленбуда» ў скверы «Котаўка» на пачатку чэрвеня бягучага года. На працягу двух месяцаў мясцовыя жыхары і экалагічныя актывісты вялі перапіску і сустрэчы з дзяржаўнымі органамі і інстытутамі, робячы намаганні даказаць незаконнасць выдзялення часткі сквера пад будаўніцтва касцёла. Напружанасці сітуацыі надае тое, што дазвол на правядзенне будаўніча-мантажных работ дзейнічае да 16 жніўня, і па інфармацыі на 12 жніўня працягнуты пакуль не быў.

У гэтую суботу хтосьці імкнуўся як мага хутчэй пакінуць спякотны горад, а камусьці было прызначана «спатканне» на фестывалі «Рок за Баброў». Ужо не першы год на канцэртнай пляцоўцы на аэрадроме пад Мінскам збіраюцца тысячы людзей, каб паслухаць топавыя гурты з Беларусі, Украіны і Расіі. Аднак на гэты раз асноўны партнёр мерапрыемства — кампанія «Heineken» — пастаралася яшчэ надаць гэтай музычнай падзеі крыху экалагічнасці.

Хто з нас не любіць пасядзець на беразе возера ці на лясной паляне ля вогнішча з песнямі пад гітару ў шумнай і дружнай кампаніі А пасмакаваць ежы, прыгатаванай на агні і вуглях? Але чым вегетарыянскім ці веганскім акрамя соевага шашлыку, запечанай бульбы ці нарэзкі з гародніны можна здзівіць сваіх сяброў? Праект «VeganFood» прапануе вам некалькі няхітрых, але вельмі смачных страў, якія на любым пікніку прыйдуцца ўсім па смаку.

Праехаць 3000 км за 3 тыдні, з якіх 700 км — на веласіпедзе, і пры гэтым быць фізічна непадрыхтаваным чалавекам. Скажыце, нерэальна? Але наша гераіня Ганна Платніцкая вырашыла не толькі выпрабаваць сябе ў велападарожжы, але і адкрыць прыгажосць роднай прыроды. З Зялёным парталам яна будзе дзяліцца сваім досведам і ўражаннямі ад выпрабаванняў, з якімі давядзецца сутыкнуцца на шляху.

І рэч ужо не патрэбная, і выкінуць шкада. Знаёмая сітуацыя? Каб вас не мучыла сумленне, і добрыя рэчы сапраўды саслужылі камусьці яшчэ службу, Зялёны партал зрабіў карысны агляд. У ім — падборка разнастайных мінскіх ініцыятыў і арганізацый, дзе можа спатрэбіцца тое, што вам ужо не да душы і няма куды дзець.

Лета — час падарожжаў і вандровак. Але як бы ні грэлі думкі пра будучы адпачынак, перад гэтым абавязкова трэба прайсці падрыхтоўчы этап збору рэчаў і прадумвання свайго харчовага рацыёну. Часта веганам даводзіцца сутыкацца ў дарозе з тым, што акрамя яблыка, банана ці кансерваванай фасолі нічога больш асабліва не з'ясі. І няхай гэтыя прадукты смачныя і кожны па-своему карысны, але пагадзіцеся, што рацыён усё ж даволі беднаваты. Таму ў пытанні «што ўзяць вегану ў дарогу» трэба быць асабліва дбайным. З гэтай нагоды праект «VeganFood» прапаноўвае вам як варыянт сэндвіч з гародніны і разнастайныя

Не так даўно ў суполцы «Добры Леў» ў Facebook ВКонтакте з'явіўся даволі цікавы і незвычайны рэкламны фотапраект «Барадатыя ў падтрымку Вусатых». Назва кажа сама за сябе! Так, сапраўды, на фотаздымках вы ўбачыце барадатых хлапцоў з жывёламі, што маюць свае асаблівасці. Падрабязнасці Зялёны партал распытаў у аўтара ідэі Варвары Кулаевай.

Канфлікт паміж мясцовымі жыхарамі і забудоўшчыкам аб'екта на перасячэнні вуліц Захарава і Андрэеўскай цягнецца вось ужо амаль 3 гады. Як толькі ў 2013 годзе жыльцам дома №77а па вуліцы Захарава стала вядома, што на адлегласці 16,5 метраў ад іх павінна быць узведзена крама «Віталюр», яны тут жа сталі пратэставаць і звяртацца ў разнастайныя інстанцыі. Аднак гэта ніякіх вынікаў не прынесла. Сёння тэрыторыя, на якой павінна весціся будоўля, амаль агароджана. Але мясцовыя актывісты не збіраюцца здавацца, ды й сам канфлікт набыў новы паварот.

Сёння самае старэйшае экалагічнае грамадскае аб'яднанне Беларусі адзначае 20 год. Для кагосьці гэта быў час сталення і самаіндэнтыфікацыі, для другіх — магчымасць рэалізаваць уласныя амбіцыі і ідэі змянення навакольнага свету да лепшага, для трэціх — спосаб знайсці блізкіх па духу людзей. Аднак усе, нягледзячы на сэнс, які ўкладаюць у сваю дзейнасць, сыходзяцца ў тым, што «Экадом» за гады існавання аб'яднаў іх раз і назаўсёды. Таварыства «Зялёная сетка» і каманда Зялёнага партала віншуюць свайго першага таварыша — аб'яднанне «Экадом» са святам!

З надыходам летніх вакацый бацькі, што не маюць шыкоўнай магчымасці перадаць на выхаванне дзетак бабулям і дзядулям, ловяць кожны шанс знайсці забаўку для малых у горадзе. Традыцыйна, з году ў год, пацешыць дзетак разнастайнымі экалагічнымі цікавосткамі запрашаюць Галерэя «Ў» і «Дзіцячыя ЭкаМайстэрні» на «Зялёны weekend». Зараз арганізатары экавыхадных вырашылі пайсці далей звычных майстар-класаў і правесці іх у фармаце квэсту з арыентацыяй на інтарэсы дзяцей.

Горад — жывы арганізм, які змяняе свой выгляд, матэрыяльнае напаўненне згодна жаданню горадабудаўнікоў, патрабаванням часу і модным тэндэнцыям. Але не толькі ў кожным горадзе, але і вёсцы ці мястэчку можна знайсці ўнікальныя месцы, якім атрымоўваецца захавацца нягледзячы на эпохі. Некаторыя з іх становяцца сапраўднымі культавымі пляцоўкамі, месцамі сустрэч і абрастаюць легендамі. Менавіта пра такія і будзе распавядаць сваім чытачам Зялёны партал разам з каардынатарам кампаніі «Гарадскі Ляснічы» Ігарам Корзунам.